Драматична ситуација се случила во источниот дел на Демократска Република Конго, каде разгневени жители запалиле шатор во центар за лекување на заболени од ебола, по што 18 лица со сомнеж за инфекција избегале од карантин.
Според информациите, нападот се случил во градот Монгбвалу, кој се наоѓа во епицентарот на новото ширење на вирусот. Локални жители упаднале во кампот управуван од организацијата „Лекари без граници“ и го запалиле шаторот наменет за изолација на пациенти. Во паниката што настанала, пациентите побегнале, а властите сè уште трагаат по нив.
Ова е втор напад врз здравствен центар за само една недела. Претходно, во Рвампара бил запален уште еден објект за лекување на ебола, откако семејства протестирале поради строгите правила за погребување на жртвите од вирусот.
Светската здравствена организација предупреди дека ризикот од ширење на епидемијата е „многу висок“, а досега се регистрирани десетици смртни случаи и стотици сомнителни инфекции. Станува збор за реткиот сој Bundibugyo, за кој во моментов нема одобрена вакцина или специфичен третман.
Деск
A Congolese health worker checks the temperature to screen a traveller at the Grande Barrier border following confirmation of an Ebola outbreak involving the Bundibugyo strain, at the border crossing point between Congo and Rwanda, in Goma, Democratic Republic of Congo May 18, 2026. REUTERS/Arlette Bashizi