Престолонаследничката на Норвешка, Мете-Марит, е ставена на листа за трансплантација поради „животно загрозувачка хронична белодробна болест“, објави кралскиот двор на земјата.
52-годишната принцеза нема да може да ги извршува своите обврски како активен член на кралското семејство, се наведува во соопштението на палатата објавено во петокот. Метe-Марит, која е сопруга на престолонаследникот Хакон, била дијагностицирана со пулмонална фиброза – хронична прогресивна белодробна болест со лоша прогноза – во 2018 година.
„Напредокот на болеста на Престолонаследничката е сериозен“, изјави Аре Холм, консултант-специјалист за белите дробови во болницата Риксхоспиталет во Осло. „По сеопфатна медицинска проценка, таа сега е ставена на листата за пациенти кои ќе добијат трансплантација на бели дробови веднаш штом стане достапен соодветен донор.“
Палатата истакна дека додека Мете-Марит чека донор, таа нема да може да учествува во официјални настани и обврски.
Деск
