Кој ги уби децата од Кочани? Фашисти? Не, ги убија наши неодговорни луѓе, нелуѓе. Кому му пречеа тие деца? Тие деца не пречеа никому. Само се жртви на еден голем хаос. На еден голем хаос кој зацрни цел еден град. Еден голем хаос кој верувам дека никогаш нема да го заборавиме и секогаш ќе ни стои како една шлаканица која ќе нé боли вечно.
Нема ли во Македонија јунак да застане и да ги одбрани овие наши деца? Има ли таков јунак? Слава им на ангелите, кажа Игор Џамбазов на вчерашната манифестација Златна бубамара на популарноста.
На 29-то изнадине на настанот, Џамбазов ја рецитираше ,,Крвава бајка” од Десанка Максимовиќ во чест на жртвите во трагичниот пожар во Кочани.
Додека говореше, на видеобимот беше испишано „Македонска крвава бајка“.
Со аплауз и солзи, публиката им оддаде почит на младите жртви, кои ги изгубија животите на 16 март минатата година. Во пожарот починаа 63 младинци и деца, а над 200 млади лица беа повредени.
Б.Н.
Фото: Јован Анѓелески
