Секторот за внатрешни работи Охрид поднесе кривична пријава против Р.Д. (57) од Скопје поради сомнение дека сторила кривично дело „бесправно градење“.
Според информациите од полицијата, пријавената на катастарска парцела во охридското село Трпејца изградила индивидуална семејна куќа без да поседува одобрение за градба издадено од надлежен државен орган.
Неправилностите биле утврдени при вонреден инспекциски надзор спроведен од овластен градежен инспектор. При контролата било констатирано дека објектот е изграден спротивно на законските прописи, по што инспекторот донел решение за негово отстранување.
По преземените мерки и документирањето на случајот, СВР Охрид поднесе кривична пријава против 57-годишната скопјанка до надлежното обвинителство. Случајот е во понатамошна постапка.
Деск
