Четиринаесетгодишно момче од скопското село Морани бил лишен од слобода откако бил затекнат како управува патничко возило „БМВ“ за време на сообраќајна контрола во селото Бузалково, велешко.
Според информациите од Министерството за внатрешни работи, случајот се случил на 8 јули 2026 година во 11:45 часот, кога полициски службеници од СВР Велес го запреле возилото со скопски регистарски ознаки и утврдиле дека зад воланот се наоѓа 14-годишник.
По насоки на јавен обвинител, со малолетникот бил извршен службен разговор во присуство на родител, а возилото било одземено.
Од МВР информираат дека по целосното документирање на случајот ќе биде поднесен соодветен поднесок.