Девојче на возраст од 16 години завршило со тешки телесни повреди вчера, управувајќи електричен тротинет, извести Секторот за внатрешни работи Охрид.
Од таму додаваат дека на 06.09.2025 во 15:45 часот, на крстосницата од улиците „Цветан Димов“ и „Елпида Караманди“ во Струга, се случила сообраќајна несреќа помеѓу патничко возило „опел“ со струшки регистарски ознаки, управувано од Љ.А.(38) од струшкото село Шум и електричен тротинет, управуван од 16- годишна малолетничка од Струга.
Малолетничката се здобила со тешки телесни повреди, констатирани во болницата „Св.Еразмо“ во Охрид.
Увид на местото на несреќата изврши увидна екипа од СВР Охрид.
Деск
