Делови од римски патишта често се откриваат за време на модерни градежни работи околу Рим (водоводи, патишта, инфраструктура) и изненадува нивната зачуваност. Таков е и случајот од пред четири години, кога за време на работи за поставување нова водоводна цевка во Ријано, во близина на Рим беше пронајден дел од патот Виа Фламиниа.
При градежни работи на систем за водоснабдување во близина на Рим, археолозите открија зачуван дел од античкиот римски пат познат како Via Flaminia. Патот бил изграден во 220 година п.н.е. по налог на римскиот цензор Гај Фламиниј и претставувал една од клучните сообраќајни артерии на Римската Република.
Според информации објавени во тамошните медиуми, камените плочи на патот биле пронајдени на длабочина од околу еден метар, што укажува дека со векови биле заштитени под наслаги земја и седименти. Делот од патот е изненадувачки добро зачуван, со видливо поставени камени блокови типични за римската инженерска техника.
Римските патишта биле изградени во повеќеслојна конструкција со цврста камена површина поставена врз слоеви чакал и песок, што придонесува за нивната извонредна издржливост. Токму поради оваа инженерска прецизност, делови од патната мрежа на Римската империја сè уште може да се сретнат на повеќе локации низ Европа.
Ова откритие повторно ја истакнува значајната улога на римското инженерство и неговото трајно влијание врз современата инфраструктура.
Деск
