Задар го пречека големиот туристички крузер познат по своите тематски ЛГБТ+ патувања, со околу 2.500 патници од целиот свет. Бродот пристигна во хрватското пристаниште како дел од медитеранската маршрута, откако претходно наиде на проблеми во Турција.
Според информациите од медиумите, турските власти не дозволиле бродот да пристане во една од планираните дестинации, поради што маршрута била променета. Наместо планираната посета, патниците продолжиле кон други медитерански пристаништа, меѓу кои и Задар.
Пристигнувањето во Хрватска привлече внимание поради фактот што станува збор за крузер специјализиран за ЛГБТ+ тематски крстарења, кои во последните години се сè попопуларни во туристичката индустрија. Организаторите на ваквите патувања ги промовираат како одмори со забавни програми, настани и содржини наменети за ЛГБТ+ заедницата.
За Задар, посетата значи уште еден прилив на туристи од високата класа на кружни патувања. Илјадниците патници во текот на престојот придонесуваат за локалната туристичка понуда, угостителството и трговијата.
Додека Хрватска го пречека бродот без најавени ограничувања, неговото претходно одбивање во Турција повторно отвори дебата за односот на различни земји кон ЛГБТ+ туризмот и за влијанието на општествените и политичките ставови врз туристичките маршрути.
