Полициски службеници од ОВР Неготино на 22 јули 2026 година во 19:15 часот ги лишиле од слобода 36-годишната К.Л. од Демир Капија и нејзиниот 14-годишен син, по претходна пријава за кражба на пари, соопшти СВР Велес.
Според пријавата, поднесена од 68-годишниот поранешен свекор на жената, неговиот 14-годишен внук, наводно под влијание на својата мајка, од неговиот дом одзел околу 17.300 евра и ги однел кај неа.
За случајот бил известен јавен обвинител, како и Центарот за социјални работи. Во присуство на адвокат за малолетници бил извршен разговор со 14-годишникот, додека К.Л. била задржана во полициска станица.
Од СВР Велес информираат дека по целосното документирање на настанот ќе биде поднесена соодветна пријава.
