Од наредниот месец, повеќето земји членки на Европската Унија постепено ќе го воведуваат новиот систем за влез и излез, познат како EES (Entry/Exit System). Овој дигитален систем ќе ја регистрира секоја личност која не е од ЕУ и која ќе влегува во Шенген зоната на краток престој до 90 дена.
Системот важи за Македонија, како и за уште 58 земји надвор од ЕУ, вклучувајќи ги и земјите од Западен Балкан.
Наместо печат во пасош, овој систем подразбира дигитална регистрација на биометриски податоци – отпечатоци од прсти, слика на лице и информации од пасошот. Постепено, во рок од шест месеци, системот ќе се воведува на сите надворешни граници на 29 земји, а целосно ќе функционира од 10 април 2026 година.
Според информациите на веб страната на Европската унија – системот за влез/излез (EES) ќе започне на 12-ти октомври 2025 година и ќе се имплементира во наредните шест месеци во 27-те членки на ЕУ, како и Исланд, Лихтенштајн, Норвешка и Швајцарија.
Директорот на Бирото за јавна безбедност (БЈБ) Александар Јанев кажа дека се во постојана комуникација со европските партнери и оти според првичните најави и сегашната европска регулатива, граѓаните ќе пополнуваат онлајн апликации.
Од Министерството за внатрешни работи пак, најавија навремено и целосно информирање на граѓаните за новите правила при патување во ЕУ, за да нема застои на патните премини.
Деск
