МВР доби наредба да ги извади сите можни пријави, поплаки, телефонски јавувања, очевидци, сите можни настани врз основа на кои ние понатаму ќе утврдуваме што е пријавено, кој постапил, кој не постапил, додека немаме увид во сите овие материјали не можеме да зборуваме, кажа обвинтелот Љубомир Лапе во врска со случајот со Трајчо Б. (25) од Малотино, кој првично беше осомничен за едно убиство на 78-годишна жена од Челопек, а сега истрагата се проширува за уште едно убиство.
Во вториот случај станува збор за 35-годишната Марија Маринковска, која беше ексхумирна за да се утврди причината за нејзината смрт.
Нејзиниот татко пред неколку дена пред ТВ камерите раскажа дека таа претходно била вознемирувана и следена од осомничениот.
Според обвинителството, засега имало докази за две убиства, како и за еден обид за убиство, а ДНК анализата ги поврзала случаите со осомничениот Трајчо.
Во наредните денови ќе била извршена уште една ексхумација, за уште една жртва за која постоело сомневање дека е убиена.
Деск
