Новиот државен јавен обвинител Ненад Савески денеска ќе даде свечена изјава пред претседателот на Собранието, Африм Гаши. Савески досега беше судија во Основниот кривичен суд – Скопје, за државен јавен обвинител беше номиниран од Владата на 10 март.
Во постапката за избор, покрај Савески, позитивно мислење од Советот на јавните обвинители добија и сегашната в.д. државна јавна обвинителка Анита Тополова-Исајловска, обвинителката Ленче Ристовска и обвинителката од скопското Обвинителство, Лидија Раичевиќ.
Тој најави отчетност, транспарентност и дигитализација на обвинителскиот систем, како и воведување дигитален систем со кој ќе се следи работата на обвинителите и ќе се спречи т.н. фиока стоп-систем, односно чувањето на предметите во фиока.
Инаку, Савески досега беше судија во Основниот кривичен суд – Скопје, живее во Гостивар и е магистер по правни науки – казнено право.
Деск