Српските претставници на овогодинешната Евровизија привлекоа големо внимание во јавноста поради нивниот сценски настап и необичните костими кои ќе ги носат на сцената.
Станува збор за музичката група која ќе ја претставува Србија со песната „Kraj mene“, а нивниот настап веќе е оценет како еден од визуелно најамбициозните оваа година.
Она што посебно се издвојува е тежината и дизајнот на костимите — секој од нив тежи и до 20 килограми. Според информациите од продукцијата, костимите се изработени како дел од уметнички концепт кој треба да ја нагласи драматиката и енергијата на настапот, но истовремено претставуваат и физички предизвик за изведувачите на сцена.
Публиката веќе имаше можност да види дел од пробите, по што следеа бројни реакции на социјалните мрежи. Додека дел од гледачите се импресионирани од креативниот пристап, други коментираат дека костимите се претешки и потенцијално ризични за изведба во живо.
Српската делегација останува оптимист и уверува дека целиот настап е внимателно подготвен и прилагоден за големата сцена на Евровизија, каде ќе се претстават во првото полуфинале.
Евровизија и оваа година носи силна конкуренција и разновидни сценски концепти, а српскиот настап веќе се најде меѓу оние кои најмногу се дискутираат пред почетокот на натпреварувањето.
Евровизија ќе се одржи на 12 мај во Виена – второто полуфинале е закажано за 14 мај, а финалето за 16 мај 2026 година. Македонија и годинава нема да учествува.
Б.Н.
