НЕМА ВРАЌАЊЕ НАЗАД, МАКЕДОНИЈА ЗАБРЗУВА И НЕМА ДА ЗАСТАНЕ ВО ПРОГРЕСОТ, ВЕЛИ ТРИПУНОВСКИ

Министерството за земјоделство, шумарство и водостопанство соопшти дека земјоделскиот сектор во Северна Македонија се наоѓа во период на позитивни економски движења, со зголемен прилив на инвестиции и конкретни резултати од тековните политики и мерки.

Министерот Цветан Трипуновски изјави дека земјоделството, според институционалните оценки, излегува од подолг период на стагнација, оптоварен со долгови и нефункционалности, и денес бележи подобрување во своето функционирање. Тој нагласи дека промените се видливи преку зголемена динамика во секторот и подобра реализација на државните програми за поддршка.
Од Министерството посочуваат дека во изминатиот период се интензивирани вложувањата во земјоделското производство, како и активностите насочени кон зајакнување на конкурентноста на домашните производители. Посебен акцент се става на подобрување на условите за работа на земјоделците, зголемување на сигурноста во производството и поттикнување на инвестиции во модернизација.
Во соопштението се наведува дека тековните политики се насочени кон стабилизирање на земјоделскиот пазар, унапредување на производствените капацитети и создавање поповолна средина за долгорочен развој на секторот. Дополнително, институциите работат на зајакнување на системите за поддршка, со цел побрза и поефикасна реализација на програмите за земјоделците.
Министерството истакнува дека веќе се забележуваат резултати од овие мерки, особено во делот на зголемена активност на терен и подобрена имплементација на инвестиционите проекти. Според нив, тоа е показател дека секторот се движи кон постабилен и поорганизиран модел на функционирање.

-Разликата е повеќе од очигледна, од долгогодишен застој, долгови и неработење, ние денеска имаме позитивен раст, инвестиции и конкретни резултати во земјоделскиот сектор. Од нефункционален систем за наводнување, денес имаме систем што функционира и допринесува за зголемен принос за земјоделско производство што е многу важно за нашата економија и за извозот на нашите квалитетни земјоделски производи. Денеска  Македонија забрзува со инвестиции, проекти и конкретни реформи. Нема враќање назад, кон оние што донесоа афери, порази и криминал, нема враќање кон политиките кои што ја уништуваа државата. Ние ќе продолжуваме уште позасилено затоа што Македонија забрзува и нема да застане во прогресот, кажа Трипуновски.


Исто така, се нагласи дека приоритет останува руралниот развој и подобрувањето на животниот стандард во селските средини, преку поддршка на земјоделците и стимулирање на домашното производство.
Од Министерството најавуваат дека реформските активности ќе продолжат и во наредниот период, со цел дополнително зајакнување на земјоделскиот сектор и создавање услови за одржлив раст и поголема економска стабилност.