Македонија се најде на престижната европска листа на најдобри места за пица надвор од Италија. Скопската пицерија „Matto Napoletano“ е рангирана на 19. место во изборот на најдобрите пицерии во Европа за 2026 година, според листата на „Top Pizza Europa“.
Ова признание ја става Македонија рамо до рамо со земји познати по силната гастрономска сцена, како Велика Британија, Шпанија, Франција, Германија и Холандија. „Matto Napoletano“ е единствениот македонски претставник во рангирањето и едно од највисоко пласираните места од регионот.
На првото место на европската листа се најде „Napoli on the Road“ од Лондон, следувани од „Baldoria“ во Мадрид и „IMperfetto“ од Путео, Франција. Во топ 20 се најдоа и пицерии од Барселона, Виена, Амстердам, Копенхаген, Братислава и Загреб.
Успехот на „Matto Napoletano“ претставува значајно признание за македонската гастрономија и за развојот на автентичната наполитанска пица во земјата. Со своето место на европската листа, скопската пицерија покажа дека квалитетната пица не е ограничена само на традиционалните центри, туку може да се создава и препознава и во помалите европски пазари.
Рангирањето „Top Pizza Europa 2026“ опфаќа 60 најдобри пицерии во Европа надвор од Италија, избрани од поширока селекција од 200 објекти во 35 земји. Најдобрите 20 пицерии од листата добиваат и директен пласман во изборот за светските 100 најдобри пицерии, кој ќе биде објавен во септември 2026 година.
