Министерот за земјоделство, шумарство и водостопанство, Цветан Трипуновски, вели дека добил поддршка од страна на земјоделските здруженија, во врска со рефоримите кои ги започнале.
-На денешниот состанок од земјоделските здруженија ја добив поддршката за реформите што ги започнавме.
Нашиот фокус е финансиската поддршка да биде насочена кон вистинските земјоделци, до луѓето што реално произведуваат и го движат аграрниот сектор.
Продолжуваме со реформи за да имаме продуктивност, конкурентност и одржливо земјоделство, објави министерот.
Како потсетување, пред неколку дена тој соопшти дека на владина седница е усвоена новата Програма за директни плаќања за 2026 година, и нагласи дека сериозен акцент ќе биде ставен на теренските контроли што ќе ги спроведуваат надлежните институции, со цел средствата да завршуваат кај вистинските земјоделци.
-Како новина, односно како мала реформа, направено е минимално зголемување на површините што се услов за користење на субвенциите, со цел да ја зголемиме домашната продукција на храна, соопшти Трипуновски.
Деск
