Познатата хрватска пејачка Тереза Кесовија оставила значаен белег на Евровизија, но нејзиниот настап во 1966 година за Монако останал запаметен по еден од најнеобичните резултати во историјата на натпреварувањето.
Според пишувањата на хрватските медиуми, нејзиното учество било поттикнато од тогашната принцеза и холивудска актерка Грејс Кели, која била голем љубител на нејзиниот вокал и наводно посакала токму таа да го претставува Монако.
Кесовија настапила со песната „Bien plus fort“ на Евровизија одржана во Луксембург. И покрај високите очекувања, резултатот бил изненадувачки – таа не добила ниту еден поен и завршила на последното место.
Подоцна, таа повторно се вратила на евровизиската сцена. Во 1972 година ја претставувала тогашна Југославија со песната „Музика и ти“, каде постигнала значително подобар успех и го освоила 9-то место.
Оваа приказна денес често се споменува како пример за непредвидливоста на Евровизија, каде дури и големи музички имиња можат да доживеат неочекувани резултати.
Деск
