Познатиот српски пејач Бобан Рајовиќ на 26 мај годинава ќе го објави својот нов албум со наслов „Отписан“, а уште пред официјалното излегување успеа да предизвика големо внимание кај публиката низ регионот.
Пејачот преку социјалните мрежи веќе објави делови од новите песни и кадри од спотовите, а она што особено ги воодушеви македонските фанови е фактот што дел од видеата се снимани токму во Македонија, поточно на прекрасното Охридско Езеро. 
Во една од песните се слушаат стиховите: „Svako veče kraj mora će, Tikveško mi vino toče, zato što mi srce hoće Makedonsko devojče“, додека во другиот дел Rajović пее: „Od Ohrida pa do Jadrana, svuda je trag naših koraka“.
Со овие стихови и со прекрасните кадри од Охрид, пејачот уште еднаш покажа колку е поврзан со Македонија и македонската публика. Фановите во коментарите веќе пишуваат дека едвај го чекаат новиот албум, а многумина велат дека токму песните посветени на Македонија им се омилени уште пред официјално да бидат објавени.
Новиот проект „Отписан“ се очекува да донесе емотивни балади, но и песни со препознатливиот балкански звук по кој Бобан Рајовиќ е познат со години.
М.К.
