Во Новска (Хрватска) се случил необичен и ретко виден инцидент – див дабар нападнал маж во дворот на неговата викендичка и го изгризал во ногата.
Според сведоштвата на повредениот Илија С., инцидентот се случил додека бил во дворот и слушнал лаење на кучиња. Наеднаш забележал животно кое прво нападнало куче, а потоа се свртело кон него. Дабарот скокнал и го каснал за потколеницата, при што човекот почнал да крвари и се здобил со сериозни рани. 
За да се одбрани, тој грабнал вилa што билa во близина и успеал да го убие животното. Го ставил во автомобилот и го однел со него во болницата, каде било утврдено дека се работи за дабар тежок 30 килограми.
По прегледот од итната медицинска служба, тој бил префрлен во болница во Пакрац. Повредите вклучуваат две отворени рани, долги неколку сантиметри, пренесоа хрватските медиуми.
Лекарите и ветеринарните служби подоцна започнале проверка на животното за да утврдат дали било заразено со беснило или друга болест, што е клучно за понатамошен третман на повредениот.
Инцидентот привлекол големо внимание бидејќи вакви напади од дабари на луѓе се многу ретки.
Деск
Looking up after eating a branch of a willow tree, a large beaver, after sunset, soaks near the shoreline of the Bear Creek which feeds into the South Platte River just outside Denver, Colorado.